“ქალაქელები” მეკარესა და ნახევარმცველს კონტრაქტებს გაუხანგრძლივებენ.
როგორც ბრიტანული პრესა იუწყება, “მან სიტის” ხელმძღვანელობა ჯო ჰარტსა და ჯეიმს მილნერს ახალ, გრძელვადიან კონტრაქტებს შესთავაზებს.
ბოლო პერიოდში მანიკუნიანელთა შეამდგენლობაში ორივე ფეხბურთელის მომავალ პერსპექტივებზე უამრავი ჭორები ვრცელდებოდა. ბევრი თვლის, რომ ძალიან მალე, ჰარტს სათადარიგოთა სკამზე დასვავენ, კარში მის ადგილს კი ვილი კაბალიერო დაიკავებს, რომელიც მანჩესტერელებმა ამ ზაფხულს ესპანური “მალაგადან” შეიძინეს.
რაც შეეხება მილნერს, ბრიტანული პრესის ცნობით, დროა მან სამუშაო ადგილი შეიცვალოს, რადგან იგი “მან სიტის” სასტარტო შემადგენლობის წევრი აღარაა და პრაქტიკულად მთელ დროს სათადარიგოთა სკამზე ატარებს.
მიუხედავად ამისა, ეს ყველაფერი მხოლოდ ჭორებია და “ქალაქელთა” ბოსებს ეს ფეხბურთელები ჯერ კიდევ სჭირდებათ, ამიტომ მათთან თანამშრომლობის გახანგრძლივებაზე წინასწარ შეთანხმებას უკვე მიაღწიეს.
|